Verbum

СВЯТАСЛА́Ў УСЯСЛА́ВІЧ (у хрышчэнні Георгій),

князь у Полацкай зямлі ў 12 ст. Сын полацкага кн. Усяслава Брачыславіча. Згадваецца пад 1129 сярод сыноў Усяслава, якіх кіеўскі кн. Мсціслаў Уладзіміравіч саслаў у Візантыю. На думку А.​Я.​Праснякова і Т.​Васілеўскага, С.Ў. у пач. 12 ст. валодаў Віцебскам, бо ў далейшым віцебскі сталец займалі яго ўнукі. Л.​В.​Аляксееў мяркуе, што Віцебск у гэты час належаў смаленскім князям. На думку А.​М.​Рапава, С.У. магло належаць Ізяслаўскае княства, бо пасля там княжыў яго сын Васілька Святаславіч. Меў сыноў Васіля, Давыда і Вячаслава, дачок Прадславу (Ефрасінню Полацкую) і Градзіславу (Еўдакію).

Л.​У.​Калядзінскі.

т. 14, с. 275